Gipahibalo ni Israeli Prime Minister Benjamin Netanyahu nga nagkasabot sila si U.S. President Donald Trump nga kinahanglang hingpit nga tapuson ang giingong nuclear threat sa Islamic republic sa bisan unsang umaabot nga kasabotan bahin sa Iran.
Kini human sa ilang gihulagway nga “maayo kaayo” nga panag-istorya niadtong Sabado sa gabii.
Sumala sa mga taho, nagkasabot ang duha ka lider sa mosunod nga mga lakang sa pagbungkag sa uranium enrichment facilities sa Iran, tangtangon ang tanang enriched nuclear materials gikan sa teritoryo niini ug ang pagpirma sa usa ka memorandum of understanding alang sa pag-abli pag-usab sa Strait of Hormuz, usa ka kritikal nga ruta sa patigayon sa lana sa tibuok kalibotan.
Gipasiugda usab sa lider sa Israel nga ang iyang posisyon ug ni Trump nagpabilin nga parehas nga ang Iran dili angay nga adunay mga nuclear weapons.
Si Netanyahu miingon usab nga ang alyansa sa Israel-US nagpabilin nga lig-on, labi na sa seguridad ug depensa batok sa mga hulga sa rehiyon, lakip ang sitwasyon sa Lebanon.
