Mideklarar sa nationwide security emergency ug mimando sa pagpang-hire sa kaliboan ka mga unipormadong sundalo ug kapulisan si Nigerian President Bola Tinubu niadtong Miyerkules, Nobyembre 26 nunot sa grabeng kagubot sa dakong bahin sa ilang nasud.
Sumala ni Tinubu nga ang ilang kapulisan kinahanglan mang-hire og 20,000 ka dugang nga personahe aron maabot ang 50,000 ang kinatibuk-ang ihap sa ilang armadong tigpatuman sa balaod.
Nagtugot pud kini sa paggamit sa National Youth Service Corps camps isip pasilidad pagbansayan niini.
Mimando sab kini sa withdrawal sa mga opisyales gikan sa VIP guard duties aron i-redeploy kini sila sa mga conflict zones.
Gihatagan sa president ang Department of State Services (DSS) sa pag-aprobar sa paspas nga deployment sa mga praktisadong forest guards ug pag-recruit sa dugang personahe aron mahipos ang mga armadong grupong nagtago-tago sa mga kalasangan.
Ang pahibalo nagsunod sa bag-ong mga pag-atake sa mga estado sa Kebbi, Borno, Zamfara, Niger, Yobe ug Kwara, diin dose-dosenang mga sibilyan ang gipatay ug gikidnap.
