Nagpadala ang North Korea og dugang 3,000 ka sundalo sa Russia niadtong Enero ug Pebrero, sumala sa bag-ong taho sa assessment gikan sa South Korean military.
Kini nahitabo taliwala sa padayon nga suporta sa North Korea alang sa Presidente sa Russia nga si Vladimir Putin sa iyang away batok sa Ukraine.
Gawas niini, gikompirmar sa Joint Chiefs of Staff sa SoKor nga nagpadala ang NoKor og dugang missiles, artillery equipment ug mga bala aron pagtabang sa Russia ug aron madugangan pa sa Nokor ang mga suplay sa armas niini alang sa ilang pagdepensa sa ilang nasud.
Lakip sa mga kagamitan sa militar nga gipadala sa North Korea ngadto sa Russia mao ang daghang gidaghanon sa mga short-range ballistic missiles, 170 millimeter self-propelled howitzers ug 220 units sa 240 millimeter multiple rocket launcher.
Kini nga lakang sa North Korea nahitabo taliwala sa mga akusasyon tali sa Russia ug Ukraine nga nakalapas sa bag-o nga ceasefire.
Gipagawas sa militar sa South Korea ang taho human ang lider sa North Korea nga si Kim Jong Un nagpahayag sa dili matarug nga suporta sa gubat sa Russia batok sa Ukraine.
