CEBU CITY- Gipakita na usab sa mga Sugbuanon ug mga pilgrims ang ilang pagtuo sa Balaang Bata pinaagi sa pag-apil sa penitential walk with Jesus nga gisugdan alas 4 sa kaadlawon gikan sa Fuente Osmeña Circle paingon sa Basilica Minore del Sto. Niño de Cebu ug gisundan sa Opening Salvo sa unang adlaw sa 460th Fiesta Señor Celebration Huwebes, Enero 9, 2025.
Diin di mominos 160,000 ka mga indibidwal ang misalmot sumala sa Cebu City Police Office, lakip sa gidaghanon ang nitambong sa Penitential Walk with Jesus gikan sa Fuente Osmeña ug sa Opening Salvo Mass sa Basilica Minore del Sto. Cebu City.
Hinungdan nga ang mga kapulisan sa Sugbo nga pinangulohan ni PCOL ANTONIETTO YBAÑEZ CAÑETE, City Director mipausbaw sa ilahang mga lakang sa seguridad ngadto sa pinakataas nga lebel.
Kung diin naghiusa ang liboan ka mga law enforcement officers ug mga community volunteers, alang sa usa ka halapad nga presensya sa seguridad aron masiguro ang kaluwasan ug seguridad sa tanan nga mga partisipante.
Ang ilang hiniusang paningkamot nagpasiugda sa usa ka pasalig sa pagpanalipod sa dato nga Kabilin sa Pagtuo sa Sugbo.
Una na nga gitino ni Police Lieutenant Colonel Maria Theresa Macatangay, Deputy City Director for Operations ug tigpamaba sa Cebu City Police Office nga sayo nga nangandam ang Cebu City Police Office(CCPO) sa umaabot nga Sinulog 2025 kini aron makita nila kun unsay pay angayang palambuon sa ilang preparasyon matud pa ni nga niadtong Lunes nag walkthrough sila tibuok rota sa solemn procession.
