Gisang-at ngadto sa Konseho sa dakbayan ang usa ka ordinansa sa pagpalig-on sa mga lakang sa seguridad sa mga pawnshop, jewelry stores ug uban pang susamang negosyo nga naglihok sa dakbayan sa Sugbo.
Ang gisugyot nga ordinansa nagmando sa pagsunod niini isip usa ka kinahanglanon sa pag-isyu o pag-renew sa mga business permit niini nga gisang-at sa Konseho sa Dakbayan.
Kung diin si Konsehal Phillip Zafra, ang tagsulat sa gisugyot nga ordinansa, nagpresentar sa lakang sa Konseho kaniadtong Miyerkules, Septiyembre 11, 2024.
Subay niini, gikwaan kini ug habig sa Bombo NewsTeam, gitino niini nga sa iyang draft nga ordinansa, niingon nga sa paspas nga paglambo sa ekonomiya sa dakbayan, ang mga tawo nga adunay kriminal nga katuyoan karon nagtan-aw niini nga usa ka panguna nga target sa ilang mga dautang kalihokan.
Gihisgotan ni Zafra ang bag-ohay lang nga duha ka insidente sa tindahan sa mga alahas nga nahitabo sa Carbon diin unom ka armadong tawo ang mitulis sa Macy’s Jewelry Store ug DGC D’ Gold Chain Jewelry Store niadtong Agosto 8, nga nakuhaan og gibana-bana nga 14 milyones ka pesos nga kantidad sa mga alahas.
Matod niya nga hinungdanon alang sa mga tindahan sa alahas o mga pawnshop nga mosagop sa higpit nga pro-active nga mga lakang sa seguridad tungod kay ang ilang imbentaryo naghimo kanila nga madanihon nga target sa mga kawatan, tulisan ug uban pang mga kriminal nga elemento nga dali nga makalusot sa kini nga mga tindahan aron mangawat mga mahal nga baligya.
Si Zafra, kinsa nangulo sa City’s Peace and Order Council, niingon sa gisugyot nga lakang nga sa pakig-alayon sa Cebu City Police Office, susihon ang mga tindahan sa alahas, pawnshop, o susamang mga establisemento alang sa pagsunod.
Dugang niya nga usa ka compliance report ang iduso ngadto sa City Treasurer’s Office isip usa sa mga rekisitos
