CEBU CITY– Mukabat P31-M worth of illegal drugs ang nasakmit gikan sa usa ka High Value Individual (HVI) atol sa gipahigayong joint drug bust operation sa Talisay City Police, Provincial Intelligence Unit (PIU), Carcar City Police , Regional Drug Enforcement Unit (RDEU),ug Philippine Drug Enforcement Agency (PDEA)-7 sa Valencia, Carcar City, Cebu.
Naila ang dinakpan nga si Roblin Repdos, 42 anyos,ug usa ka grab taxi driver.
Sa pakighinabi sa Bombo Radyo Cebu, kang PMaj Gerard Pelare, ang hepe sa Talisay PNP, giingon niin nga kanhi na nga napriso si Repdos niadtong 2016 gumikan sa iligal nga drogas ug mibalik kini sa iligal nga kalihokan human makagawas.
Nasayran nga maghulugan kini og shabu sa Cebu City ug Southern Cebu.
Nakuha gikan niini ang 17 medium packs sa shabu ug 3 green Chinese tea bags nga dunay sulod nga shabu nga dunay gibug-aton nga 4.6 kilos.
Padayon usab karon nga gisuta sa PNP ang source sa mga nasakmit nga shabu. |GBS
