PROVINCE OF CEBU-Nigahin og kinatibuk-ang P57.5 milyones ang kagamhanan sa Probinsiya sa Sugbo sa unom ka local government units sa unang distrito atol sa Caravan of Services gahapong adlawa, Marso 1, 2024.
Ang maong kantidad alang sa pagpa-usbaw sa ekonomiya ug turismo sa lalawigan.
Kini naglangkob sa mga lungsod sa San Fernando, Sibonga, Minglanilla, ug mga dakbayan sa Naga, Talisay, ug Carcar.
Nasayran nga ang host municipality sa San Fernando nakadawat og P9.9 milyones, samtang P10.3 milyones sa lungsod sa Sibonga, ingon man nga gigahinan og P10 milyones ang Carcar City.
Alang sa Naga nakadawat kini og P8.2 milyones ug P9.5 milyones ang nadawat sa lungsod sa Minglanilla ug Talisay City.
Ingon man nga personal nga nadawat sa mha mayor, bise mayor, konsehal, ug mga barangay chairperson sa matag LGU ang mga tseke.
Gani, kinahanglan nga ipadayon sa mga LGU ang ilang mga proyekto sa imprastraktura arun magamit sa panahon nga adunay mga kalihokan ang probinsya.
