METRO MANILA-Pormal nga gidawat sa liderato sa House of Representatives, pinangulohan ni House Speaker Ferdinand Martin Romualdez, ang 2025 National Expenditure Program (NEP) nga nagkantidad og P6.352 trilyon.
Gipasiugda ni House Appropriations Committee Chairman Rep. Zaldy Co, kinsa kauban ni Speaker Romualdez sa pagdawat sa NEP, ang importansya sa NEP nga gisumiter sa Department of Budget and Management (DBM) ubos sa pagpangulo ni Secretary Amenah Pangandaman.
Giinsister sa Congresswoman nga ang NEP alang sa sunod tuig dili lang plano sa paggasto kon dili usa ka giya aron makab-ot ang Philippine Development Plan 2023-2028.
Sa pagsusi sa gisugyot nga budget, si Co niingon nga ang Kongreso mokonsiderar sa tinubdan sa pundo, kaandam sa pagpatuman sa mga programa ug proyekto, ingon man ang kapasidad sa mga ahensya sa paggasto sa pundo nga gigahin kanila, ug pagsunod sa mga prayoridad sa paggasto.
