METRO MANILA-Gikatakdang mosumiter ang administrasyon ni Pres. Ferdinand Marcos Jr., sa House of Representatives ang gisugyot nga P6.352 trilyon nga budget alang sa sunod tuig karong adlawa, Hulyo 29.
Ang 2025 National Expenditure Program pormal nga isumiter ni Budget Secretary Amenah Pangandaman ngadto kang Speaker Ferdinand Martin G. Romualdez ug ubang opisyal sa House of Representatives.
Diin ipahigayon kini sa usa ka simple turnover ceremony sa Romualdez Hall of the Chamber sa Batasang Pambansa complex sa Quezon City.
Sa bisperas sa pagsumiter sa NEP, si Speaker Romualdez miingon nga ang Balay andam nga modawat niini ug magsugod sa komite sa deliberasyon.
Nagkanayon ang lider nga tun-an pag-ayo ang proposed budget ug gamiton ang oversight function niini aron maseguro nga husto ang paggasto niini sa mga ahensya sa gobyerno.
Matod ni Romualdez, ang bersyon nga isumiter sa Kamara nahisubay sa mga prayoridad ug Agenda for Prosperity ni Presidente Marcos.
