PARAÑAQUE-Nasakmit sa mga otoridad ang dili mominus P85 milyones nga kantidad sa gidudahang smuggled poultry products gikan sa China nga wala’y buhis sulod sa bodega sa Parañaque City.
Matod sa Bureau of Customs (BOC), samtang ang inisyal nga imbentaryo gibana-bana nga P85 milyones, ang aktuwal nga balor sa kargamento, nga naglakip sa frozen nga karne sa baboy, itik ug manok, ug mga pagkaon nga adunay marka nga Chinese, wala pa matino.
Hatagan sa BOC og 15 ka adlaw ang mga tag-iya sa bodega sa pagpresentar sa gikinahanglang mga dokumento aron maklaro ang alegasyon nga nag-“hoarding sila og mga imported nga produkto”.
Kon gani mapakyas sila sa pagsumitir sa saktong dokumento, mag-atubang sila og kaso nga nakalapas sa mga probisyon sa Customs Modernization and Tariff Act (CMTA) sa misdeclaration of goods.
