CEBU CITY — Gipangandaman na sa buhatan sa Department of Education (Dep-Ed 7) ang umaabot nga pag-abli sa klase sa umaabot buwan sa Agosto.
Matod ni DepEd-7 Director Salustiano Jimenez nga nangandam na ang tanang magtutudlo og pamunu-an sa matag tunghaan alang sa pama-agi nga himuon ilabi na nga adunay gi-atubang nga hulga sa covid-19 crisis.
Gisusi na sa maong buhatan ang suhestiyon sa mga principal og ubang school heads alang sa modalities nga angayang gamiton sa ilang tunghaan ning panahon sa crisis.
Aduna matod pa’y lahi-lahi nga pama-agi ang gustong gamiton sa nagkadaiyang tunghaan sa tibuok rehiyon 7.
Subay na usab sa pagrekognisar sa DepEd-7 sa “new normal” i-konsiderar ang unsa mang angayang gamiton sa usa ka tunghaan alang sa pagsugod sa klase karon nga school year.
Lakip sa mga posibleng magamit ang online, blended type learnig, distance learning, home school ug uban pa.
Una na nga gisiguro sa Departamento sa Edukasyon nga di ma-apektuhan ang pagtu-on sa mga estudyante og di usab mabutang sa kakuyaw ang panglawas sa mga magtutungha og mga magtutudlo.
