CEBU CITY-Gipasanginlan sa kampo ni San Fernando Mayor Lakambini ‘Neneth’ Reluya si Ruben Feliciano, mayoralty candidate sa lungsud, nga mao’y nagpaluyu sa pagpamanhig ngadtu sa mga tawu sa mayor nga sakay sa usa ka ambulansya kagabii.
Sa eksklusibo nga pakighinabi sa Bombo Radyo Cebu kang Filemon Leyson, ang Purok President sa lungsod, gibutyag niini nga wala na’y lain pa nga makahimu niini inay si Feliciano lang.
Matud pa nga sa matag pangampanya ni Feliciano sa mga barangay, giingung kanunay niini nga hulga-un si Mayor Reluya, ang mga supporters, ingun man silang mga purok leader.
Dugang pa ni Leyson nga adunay mga barangay kapitan nga misumbung kanila matag purok meeting nga gihulga ni Feliciano nga patyun kung dili musupurta niini.
Giingung gub-un ug gubatun ni Feliciano ang lungsud sa San Fernando kung ugaling dili kini makadaug sa eleksyon.
Gipahibalu ni Leyson nga naka-blotter kini sa police station ug gani aduna sila’y recording sa mga pagpanghulga ni Feliciano.
Subay niini, gipadayag ni Leyson nga dakung sagpa sa kapulisan sa probinsiya ug sa pamunuan ni CPPO Director Police Colonel Manuel Abrugena, ang mga kagubut sa ilahang lungsud.
Wala na sila matud pa’y klarung kadu-ulan alang sa cilahang seguridad.
Gipasabut usab ni Leyson nga ang ambulansya nga gi-ambush ang kanunay naka-standby sa panimalay ni Mayor Reluya gumikan sa mga hulga niini sa kinabuhi.
Sigon pa, nga ‘for emergency cases’ hinungdan nga naka-standby ang maong sakyanan. (SBR)
