Padayon nga gimonitor karon ang Bagyong Tino, diin basi sa namonitor sa PAGASA Mactan, naglandfall kini sa makaduhang higayon.
Unang naglandfall kini alas 12:00 sa tungang gabii sa Saligon, Southern Leyte, samtang ang ikaduhang landfall niini alas 5:10 sa buntag sa Borbon, Cebu.
Subay niini, nagpabilin ang typhoon category ni Tino ug karon padayon ang paglawig niini sa Westward sa portion sa Negros ug padulong kini sa Panay Island.
Subay niini, gikabutyag ni Alfredo Quiblat Jr. ang Chief sa PAGASA VISAYAS, atol sa pakighinabi sa Bombo Radyo Cebu team, nga possible nga mohimo na sa ikatulong landfall ang bagyong Tino una siya molabang pagawas sa WPS igka Miyerkules, human hingpit nga makagawas sa Philippine Area of Responsibility.
Dugang ni Quiblat aduna silay natala nga kusog nga hangin sa ilang buhatan, diin ang kinagusgang natala anaa sa 90KM/H kaganihang 5:10 sa buntag.
Samtang sa bahin usab sa uwan, nakasukod na ang PAGASA MACTAN og 179.3 millimeters of rain sa nilabayng 24 ka oras.
Gihimug-atan usab niini nga bisan paman adunay matalang paglurang sa Bagyong Tino, dili gihapon angay nga magkompyansa ingun man padayonon ang pagpangandam.
