Gipahibalo ni Interior Secretary Jonvic Remulla nga posibleng molungtad og usa hangtod tulo ka semana ang pagpauli sa Pilipinas ni kanhi Ako Bicol Party-list Rep. Elizaldy “Zaldy” Co gikan sa Czech Republic.
Si Co gidakop sa Prague human giingong nakit-an nga walay hustong travel documents samtang nagtinguha paingon sa Germany.
Gipabalik siya sa mga awtoridad sa Czech Republic ug karon giproseso na ang iyang deportasyon.
Sumala sa DILG, ang iyang pagpauli nagdepende sa koordinasyon sa Department of Foreign Affairs ug sa Czech authorities, ug naapektuhan usab tungod sa pagkansela sa iyang Philippine passport.
Si Co gaatubang og mga kaso sa graft ug malversation may kalabotan sa giingong iregularidad sa ₱289.5M flood control projects sa Oriental Mindoro, ug giisip nga pugante gikan sa hustisya sa Sandiganbayan.
Samtang, dalhon siya sa Sandiganbayan alang sa arraignment ug posible nga detensyon sa Camp Crame sa iyang pagbalik.
Miingon ang Malacañang nga andam ang gobyerno sa pag-atubang sa iyang mga pahayag ug gipasiugda ang responsibilidad sa mga nalambigit sa korapsyon.
