Nag-negatibo sa ilegal na droga si Vice Mayor Jeryll Harold Respicio sa Reina Mercedes, Isabela, human siya nagpa-drug test sa usa ka pribadong ospital sa Quezon City.
Gihimo ang maong test sa St. Luke’s Medical Center–Quezon City, subay sa awhag ni Interior Secretary Jonvic Remulla nga magpa-drug test si Respicio human sa init nga panagbangi nila sa usa ka barangay chairman atol sa sesyon sa konseho sa munisipyo.
Sa usa ka post sa Facebook, human nakuha na ang resulta niini, nagkomedya si Respicio nga magpabayad kini ni Remulla sa nagasto niini kay nagkanayon nga mahal ang bayad sa drug test.
Una nang gipahayag ni Remulla nga si Isabela Governor Rodolfo Albano III ang nagdumala sa insidente nga naglambigit kang Respicio, human mikatag sa social media ang video sa init nga panagbangi tali sa bise mayor ug pipila ka opisyal sa barangay.
Nahitabo ang insidente atol sa diskusyon bahin sa mga proyekto nga gipondohan, sa parte sa tobacco excise tax, diin misampot kini sa init nga panaglalis sa mga opisyal.
Gi-livestream ang maong insidente ug wala madugay mikatag kini sa social media.
Samtang, nagkanayon si Remulla sa usa ka interbyu sa media nga gisugyot niya ang pagpa-drug test kang Respicio tungod sa pamatasan ug gawi niini atol sa insidente.
Matod ni Remulla, si Governor Albano ang nagdumala niini. Apan gitambagan niya kini nga ipa-drug test kini kay ang iyang kinaiya morag sa usa ka adik.
“Governor Albano is handling it. Pero I advised him to give him a drug test kasi mukhang adik ’yung asal niya.”
Dugang pa niya, angay mag-focus si Respicio sa iyang panglawas, ug kinahanglan niyang hunongon ang paggamit og droga.
“Dapat mag-focus siya sa health niya, itigil niya ’yang drugs.”
Bisan pa sa mga pahayag ni Remulla, negatibo ang resulta sa drug test nga gihimo kang Respicio.
