Masaligon ang usa ka economic analyst nga dako ang kahigayonan nga mohinay ang inflation o ang paglihok sa presyo sa mga palaliton sa Pilipinas.
Matod ni Prof. Astro del Castillo sa Capital Market Institute of the Philippines, posible kini kung tutukan sa gobyerno ang mga programa nga mosuporta sa sektor sa agrikultura ug enerhiya sa nasud.
Gihimo ni Castillo ang pamahayag human ang Philippine Statistics Authority mitaho nga adunay gamay nga pagsaka sa inflation rate niadtong Hunyo ngadto sa 1.4 porsyento.
Matod niya nga panahon na nga ipatuman ang Land Use Act nga manalipod sa mga agricultural ug forestry areas sa Pilipinas.
Gitumbok usab sa eksperto nga ang mga magbabalaod kinahanglan nga motrabaho og double-duty sa paghimo og mga balaudnon nga makapalig-on sa sektor sa agrikultura ug enerhiya.
Gumikan matod niya nga mao usab kini ang direktang nakaapekto sa presyo sa mga nag-unang palaliton sa Pilipinas.
