Gisiguro sa Dakbayan sa Sugbo nga ma-organisar na ug mahan-ay ang mga relihiyosong kalihukan atoll sa ika 461st Fiesta Señor, diin 70 % na nga andam ang Cebu City Government.
Gani sa maong porsyento sa kaandam, usa sa mga napatuman na niini ang pag prepara sa Cebu City Sports Center (CCSC) nga anaa nahimutang sa Abellana, ug ingon man ang pag butang og bleachers sa agianan sa parada.
Gidasig usab ang mga establishimento nga ipagamit sa mga tawo ang mga pansayan.
Samtang ipakatap usab ang 10,000 ka sakop sa kapulisan sa PNP, aron sa pagsiguro sa kaluwasan ug kalinaw sa mga kalihukan og mga deboto.
Mao kini ang gikabutyag ni Cebu City Councilor Dave Tumulak nga ugmang adlawa, Enero 5, send off na sa tanang security sa alas 6:00 sa buntag sa Cebu City Sports Center (CCSC).
Adunay dugang force multipliers ug volunteers usab gikan sa mga pipila ka mga Local Government Units (LGU) ug ubang Law Enforcement Agencies.
Subay niini, usa sa mga gipangandaman sa Dakbayan sa Sugbo mao ang Grand parade sa umaabot Enero 18, 2026, ug ubang mga kalihukan niining mga semanahona sama sa the Walk with Jesus karong Enero 8, gisundan kini sa Sinulog 2026 Kick-Off and Opening Salvo (January 9, 2026), Brass Band Competition, Sinulog sa Dakbayan 2026, ug Concert: Battle of the Bands (January 10, 2026).
