Gipanglangtawan ni Dr. Christopher Ryan Maboloc, usa ka Political Analyst, nga ang pagsayo nga anunsyo ni Vice President Sara Duterte nga modagan siya isip pagka Presidente sa 2028 nga piniliay, usa ka natural ug gilaoman nga lihok, kung ibasi kini sa political language.
Gidugang ni Maboloc nga makonsidera kining natural ug gilaoman na gumikan kay isip usa ka bise presidente sa nasud, kay ang natural force niini mao ang pagdagan isip pagka presidente.
Mao kini ang gikabutyag ni Maboloc atol sa eksklusibong pagkab-ot sa Bombo Radyo Cebu newsteam sa iyang habig kabahin niini nga hisgutanan, gani iyang gikabutyag nga kung panglantawan lang, taas na nga panahon nga ang bise presidente nakadawat og mga batikos sa gingsakopan niini, ug kini naggumikan sa mga kontrapartido usab nga nagtuo nga modagan gayud kini sa naasoyng posisyon.
Gitataw usab ni Maboloc nga kining anunsyo ron sa bise presidente, dili mamahimong sugnod sa pagpalagpot niini sa iyang kasamtangang pwesto gumikan kay walay mahimo ang bise presidente sa kung unsa man ang ihapak batok kaniya kay gagikan kini sa ilang kaugalingong desisyon, apan ang mamahimo niyang buhaton mao ang iyahang parte nga kung unsaon niya pagtratar ang mga gipanghamtang kaniya nga positibo sa iyahang bahin.
Dugang niya nga sa iyang na obserbahan sa kasamtangan, magpadayon pa kini nga mga batikos nga madawat sa bise presidente, ilabi na nga ma konsidera kining bug-at nga atbang sa natad sa politika.
