Nagkondenar karon sa Military Aggression ang Alyansa Makabayan Central Visayas nga gihimo sa Estados ubos sa pagpangu ni US President Donald Trump, ingun man sa pagsikop kang Venezuelan President Nicolas Maduro ug iyang asawa nga si Cilia Flores, ug kasamtangang na detained sa New York.
Sa napaglangtawan niini ni Jaime Paglinawan ang Chairperson sa Bayan Central Visayas nga sa usa ka soberiniya nga nasud, dali-dali lang nga masudlan og military sa Estados Unidos nga adunay tumong ug tuyo mao ang tinubdan sa lana sa nasud nga Venezuela.
Mao kini ang nahimong pamahayag ni Paglinawan, atol na sa ekslusibong pakighinabi sa Bombo Radyo Cebu Newsteam kaniya, kabahin na sa pagsuta sa ilang habig nunot sa pagkasikop sa lider sa nasud nga Venezuela.
Gitataw ni Paglinawan nga ang nasud nga Venezuela no. 1 sa tibuok kalibutan nga adunay oil reserve, ug mao kini ang na interesan sa Estados Unidos.
Gidugang pa niya nga mao kana ang rason nga nganung gi atake ang Venezuela, apan sa ngalan nalang sa giingon nga ang Venezuela usa ka Narcopolitics.
Alang kang Paglinawan, nagsalamin kini nga yano lang nga atakehon ang usa ka nasud kon dili moduko sa Estados Unidos, hinungdan nga alang kaniya, angay kini nga ikondenar sa gobyerno.
