CEBU – Suportado sa Hunta Provincial sa Sugbo ang lakang ni Governor Gwendolyn Garcia nga makigkita kini kang Presidente Rodrigo Duterte karong adlaw’ng Lunes Mayo 31, 2021.
Nasayran nga katuyuan sa Gobernadora nga dad-on ang tingog sa Sugbuanon aron ipadayag ang mga katuyuan sa palisiya niini alang sa mga returning Overseas Filipino Workers ug sa returning Overseas Filipinos sa Sugbo.
Subay niini malaumon si Cebu 3rd District Board Member John Ismael Borgonia nga makumbinsir sa Gobernadora ang Presidente alang sa mga gipatuman niini nga innovative ways sa mga health protocols batok sa COVID-19.
Niadtong Mayo 27, 2021 niluwat ug kamanduan ang Malakanyang nga i-divert ang mga inbound international flights sa Mactan Cebu International Airport ngadto na sa Ninoy Aquino International Airport aron didto ipa-ubos sa swab testing ug quarantine procedures ang mga international travelers lakip na ang mga returning Overseas Filipino Workers ug returning Overseas Filipinos.ll BEA
