Nagdumili ang pamilya sa kanhi DPWH Undersecretary nga si Maria Catalina Cabral sa mando sa mga awtoridad nga ipahigayon ang autopsy sa iyang patayng lawas.
Kini bisan pa sa hangyo sa DOJ ug DILG sa NBI ug PNP nga ipahigayon ang maong proseso.
Ang lakang aron mahibal-an ang hinungdan sa kamatayon sa kanhi opisyal sa DPWH.
Kung diin, ang DILG nagmando usab og DNA test para sa pag-ila, nga gisupak sa bana ni Cabral nga si Cesar.
Sumala sa iyang bana, siya ug ang iyang mga anak kaila sa patayng lawas sa iyang asawa.
Gibalibaran sa pamilya ang autopsy ug gusto nilang dad-on pauli si Cabral para sa Pasko, kana gumikan kay nagtuo sila nga aksidente ang iyang kamatayon.
Gikumpirma ni Cesar nga si Cabral anaa sa Baguio para mopahuway ug nahisgotan ang usa ka panagsulti bahin sa iyang kapakyasan sa pagtambong sa usa ka miting sa ICC, apan wala pa gisalikway sa pulisya ang anggulo sa foul play.
