Walay ideya ang Malacañang bahin sa sulod sa panagsulti tali ni Chinese Ambassador Jing Quan ug First Lady Liza Marcos sa usa ka kalihokan.n.
Kini nahitabo human gipaambit sa envoy sa iyang social media nga sila adunay “pleasant conversation” uban sa First Lady.
Sumala ni Palace Press Officer USec. Claire Castro, wala gipaambit ni FL Liza Marcos sa Presidential Communications Office (PCO) ang iyang nahisgutan ug sa Chinese envoy.
Gipasiugda usab ni Castro nga ang pagtambong sa First Lady sa mga pampublikong kalihokan sa consular wala magpakita sa palisiya o diplomatikong baruganan sa administrasyon.
Gidugang ni Castro nga klaro ang China bahin sa tinguha sa administrasyon nga ipasiugda ang diplomasya ug hustong diyalogo aron masulbad ang bisan unsang isyu, busa dili na kinahanglan nga dugangan pa ang tensyon tali sa duha ka nasud.
