Irespeto sa Malacañang ang mga panan-aw ug aksyon sa Kongreso kabahin sa gisugyot nga resolusyon nga ideklarar si Chinese Ambassador Jing Quan nga persona non grata.
Kini human sa mainit nga mga pahayag tali sa pipila ka mga opisyal sa China ug Pilipinas.
Sumala sa Palace Press Officer, Undersecretary Claire Castro, ang mga magbabalaod adunay kaugalingong mga panan-aw ug mandato kon bahin sa isyu, ug ang Kongreso gawasnon nga maghisgot ug mopadayon sa ilang mga sugyot.
Ingon man nga giklaro ni Castro nga ang palisiya sa Presidente ug sa Department of Foreign Affairs (DFA) nagpabilin nga klaro aron mapalambo ang diplomasya ug hapsay nga diyalogo sa China pinaagi sa mga diplomatikong channel.
Dugang ni Castro nga nahibal-an sa mga magbabalaod nga ang gahum sa pagdeklarar sa usa ka langyaw nga opisyal nga persona non grata anaa sa Presidente, subay sa kasamtangang mga balaod.
Gipasalig ni Castro nga nasayod ang mga magbabalaod nga ang gahum sa pagdeklarar sa usa ka langyaw nga opisyal nga persona non grata anaa lamang sa Presidente.
Gihatagan usab og katin-awan sa Malacañang nga ang kalainan sa mga panan-aw tali sa ehekutibo ug lehislatura wala magpasabot og panagbangi o kalisod sa politika, apan kini kabahin sa proseso sa demokrasya ug gawasnon nga diskurso sulod sa gobyerno.
Gipahayag ni Castro nga ang administrasyong Marcos magpadayon sa pagpalambo sa kalinaw, kalig-on, ug sa nasudnong interes sa Pilipinas.
