Mipahigayon sa iyang unang misa si Pope Leo XIV isip bag-ong lider sa Simbahang Katoliko human sa paghimo sa kasaysayan isip labing unang papa nga natawo sa Amerika.
Nanguli ang Santo Papa sa pribadong misa uban sa mga cardinals sa Sistine Chapel sa Roma diin ang unang homiliya niini isip Santo Papa kay gipaambiy sa English ug Italian.
Gisugdan sa Santo Papa ang iyang homiliya sa English diin nagpasalamat siya sa mga Cardinal electors sa ilang pagsalig kaniya.
Mihatag dayon kini sa iyang kinasingkasing nga pahinumdom sa mga kardinal nga sila gitawag aron sa pagsaksi sa ilang malipayong pagtuo kang Kristo nga Manluluwas.
Ang bag-ong Santo Papa nanawagan usab sa pagpalawom kanunay sa personal nga relasyon kang Kristo ug gipasiugda nga kung walay pagtuo, ang kinabuhi walay kahulogan.
Gihinumdoman usab ni Pope Leo XIV nga gitawag siya sa Dios pinaagi sa iyang pagkapili isip ika-267 nga Santo Papa.
Ug gitapos sa Santo Papa ang iyang homiliya pinaagi sa pag-ampo, diin nanghinaot kini nga ang Dios maghatag kaniya og grasya, karon ug sa kanunay, pinaagi sa mahigugmaong pagpataliwala ni Maria, Inahan sa Simbahan.
