Nipadayag sa iyang tumang kasubo ang lider sa Simbahang Katoliko, nga si Pope Leo XIV, sa bag-o lang nga pag-atake sa Israel sa usa ka simbahan sa Gaza ug subling ni-apelar sa diha-diha nga pagtapos sa gitawag niini nga “barbarity” sa gubat sa Gaza.
Niadtong niaging semana, naigo ang usa ka simbahan sa Holy Family, nga nakapatay sa 600 ka mga Gazans nga nagpasilong ug nasamdan ang uban, lakip ang kura paroko nga si Fr. Gabriel Romanelli.
Gani ning semanaha, human sa Angelus prayer, gihinganlan ug gi-ampoan sa balaang Santo Papa ang tulo ka mga biktima nga napatay nga sila si Saad Issa Kostandi Salameh, Foumia Issa Latif Ayyad, ug Najwa Ibrahim Latif Abu Daoud na duol sa iyaha ug sa iyang pamilya.
Gipasiugda sa Santo Papa nga ang pag-atake usa lang sa nagpadayon nga pag-atake sa militar batok sa mga sibilyan ug mga lugar sa simbahan sa Gaza.
Kalabot niini, mihangyo usab ang Santo Papa sa malinawon nga resolusyon sa maong panagbangi.
Ingon man pag-awhag sa internasyonal nga komunidad sa paggamit sa makitawhanong balaod ug pagtahod sa obligasyon sa pagpanalipod sa mga sibilyan ingon man ang pagdili sa kolektibong silot.
Gitapos ni Pope Leo ang iyang apela pinaagi sa paghatag ug mensahe sa mga Kristiyanong komunidad sa Middle East, nga iyang nasabtan nga gamay ra ang mahimo sa pag-atubang sa karon nga lisud nga kahimtang ug nagpasalamat kanila sa ilang pagsaksi sa pagtuo.
