MINGLANILLLA,CEBU- Padayun pa nga giila sa kapulisan sa Minglanilla ang usa ka patay nga lawas sa tigulang nga babaye nga nakaplagan daplin sa baybayon sa Lower Calajoan sa Minglanilla, habagatang Sugbo.
Matud sa kapulisan, nga napalgan nila ang lawas mga alas 6-7 sa buntag karong adlawa Septiyembre 20, 2024.
Kung diin, ang usa ka mananagat maoy unang nakakita sa patay’ng lawas ug nitaho dayon sa kapolisan.
Apan, hangtud niining mga orasa wala pa kini mailhan.
Hinungdan, nga nanawagan ang kapulisan sa mga naka-ila o adunay kabanay nga nawala sa ilahang mga panimlay.
Giingon nga anaa kini sa mga 50-60 anyos ang pangidaron nagsul-ob og ‘sleeveless shirt’ nga kolor ‘violet’ og kolor ‘Pula’ nga short ug ‘crocs slippers’ nga color skyblue.
Nagtuo ang kapulisan nga naanod kini sa sulog, gumikan kay walay nakaila niini human nila gipangutana ang katawhan sa mga dool nga ‘Barangay’s’ kung diin kini makit-an.
Sa mga kabanay, anaa kini nahimotang sa morgue sa minglanilla district hospital.(With Reports of Bombo Koky Cabatingan)
