CEBU – Napalgang patay ang usa ka lalaki nga nag utaw-utaw sa Kawit Island sa south road property sa alas 8:40 kaganihang buntag.
Base sa initial nga imbistigasyon sa kapulisan sa mambaling police station nga ang maong patayng lawas nakit an sa usa ka security guard diin nanawag gilayon kinig sakop sa Cebu City Disaster Risk Reduction Management Unit.
Ang maong patayng lawas anaa na sa state of decomposition diin naa na sa 2 hangtod sa 3 ka adlaw na kining naglutaw-lutaw sa kadagatan.
Gidala na hinuon ang nakaplagang lawas sa St. Francis Funeral Homes ug subject for autopsy pa kini.
Dugang pa niini nga gibana banang naa sa 45 hangtod 50 ang pangidaron niini, samtang brown ang kolor sa pamanit ug 5’4-5’5 ang height niini.
Sa pag responde sa sakop sa CCDRRO wala na kiniy sapot sa ibabawng bahin samtang nakasuot kinig diving pants.
