-- ADVERTISEMENT --
Giawhag ni Presidente Ferdinand Marcos Jr. ang mga opisyal sa lokal nga kagamhanan (LGUs) nga magsilbing konsensya sa mga depekto ug kwestyonable nga mga proyekto.
Nanawagan ang Presidente sa mga bag-ong napili nga opisyal sa League of Provinces in the Philippines sa pagserbisyo sa publiko nga adunay integridad.
Sa iyang pakigpulong atol sa oath-taking sa mga bag-ong napiling opisyal, gipasiugda niini ang pagsiguro nga ang tanang proyekto sa nasudnon ug probinsiyal nga mga kagamhanan husto ug ibutyag ang mga kahiwian kon aduna man.
Nanghinaot kini nga ubanan sa mga bag-ong opisyal ang kasamtangang administrasyon aron hingpit na gayud nga matuldukan ang mga sayop nga naandan hilabi na sa hisgutanan sa korapsyon.
