METRO MANILA-Gipasiugda ni Presidente Ferdinand Marcos Jr. ang kamahinungdanon sa Loss and Damage Fund, usa ka mekanismo sa panalapi nga gihatag sa mga ugmad nga mga nasud, sa pagsulbad sa mga problema sa kinaiyahan nga gipahinabo sa industriyal nga mga kalihokan sa adunahang mga nasud.
Gipasabot ni PBBM nga mahinungdanon kini nga pundo ug ang papel nga himuon sa Pilipinas sa pagdumala niini.
Matod niya, ang mga kabus nga nasud miuyon sa paghimo niini nga pondo aron matabangan ang mga kabus nga nasud nga nag-antos sa Climate Change resulta sa mga kalihokan sa industriya sa mga adunahan nga nasud.
Gitataw sa Presidente nga ang desisyon kon asa igahin ang pundo nagdepende sa Loss and Damage Fund Board diin miyembro ang Pilipinas, busa matud niya importante ang papel sa nasud, kay makahatag kini og dakong impluwensya sa desisyon- proseso sa paghimo.
Ingon man nga masaligon si Marcos nga isip host sa LDF board, ang Pilipinas mosiguro nga ang mga panginahanglanon ug kabalaka niini matubag sa husto.
