Gipasalig ni Presidente Ferdinand Marcos Jr. nga walay pwersa sa gobyerno nga nalambigit sa gitaho nga sunod-sunod nga mga pagpamusil sa Senado kagabii, Mayo 13.
Sa usa ka pahayag, ang Presidente miingon nga iyang gikontak dayon si DILG Secretary Jonvic Remulla aron masiguro ang seguridad sa lugar, ug gidugang niya nga nakigsulti usab siya kang NBI Director Melvin Matibag aron masiguro kung adunay mga personahe sa ahensya nga misulod sa Senado, nga gihimakak dayon sa NBI.
Sumala sa Presidente, ang mga lehitimong pwersa sa seguridad lamang ang naa sa sulod sa Senado, lakip ang Philippine National Police (PNP), Philippine Marines, ug ang Office of the Senate Sergeant-at-Arms (OSAA).
Hugot usab nga gihimakak sa PBBM nga adunay mando nga arestuhon si Senador Ronald “Bato” dela Rosa.
Miingon usab siya nga ang mga awtoridad karon nag-imbestiga sa insidente gamit ang CCTV footage aron mahibal-an kung kinsa ang naa sa luyo sa komosyon.
Nanawagan ang Presidente sa publiko nga magpabiling kalmado samtang ang Senado ug PNP nagpadayon sa ilang imbestigasyon aron mahibal-an ang hingpit nga kamatuoran bahin sa nahitabo.
