METRO MANILA-Natak-opan ang SONA 2024 ni Presidente Ferdinand Marcos Jr., nga gituki ang kabahin sa operasyon sa POGO sa nasud.
Diin nimando kini og ‘total ban’ nga epektibo sugod gahapong adlawa.
Ang desisyon sa Presidente gibasi sa rekomendasyon sa iyang economic managers ug gihimug-atan niini nga ang POGO wala’y maayong ikahatag sa atong nasud.
Gidugang pa niini nga ang POGO nagpakaaron-ingnon nga lehitimong entidad apan ang ilang mga operasyon nalambigit sa mga ilegal nga kalihokan sama sa financial scamming, money laundering, prostitusyon, human trafficking, kidnapping, torture ug pagpatay.
Hinungdan nga kinahanglan nga mahunong na ang kasamok sa POGO sa katilingban ug pagpasipala sa nasud.
Gimando usab ni Presidente Marcos ang PAGCOR nga sugdan ang pagsuspenso sa operasyon sa POGO hangtod sa katapusan sa tuig.
Ingon man ang DOLE nga mangita og bag-ong trabaho alang sa mga kababayan nga maapektuhan sa pag-an.
