Gikatingad-an sa kadaghanan ang wala pahisgot ni Presidente Ferdinand Marcos Jr. ngadto sa iyang igsuon nga si Senador Imee Marcos atol sa pag-endorso niini sa mga kandidato pagka-senador sa iyang partido, ang Alyansa Para sa Bagong Pilipinas, atol sa ilang campaign rally sa Trece Martires sa probinsiya sa Cavite, nga gikonsiderar nga vote-rich provinces o adunay lapad nga mga rehistradong botante sa nasud.
Atol sa iyang campaign speech, tagsa-tagsa nga gipaila-ila sa Presidente ang mga kandidato pagka-senador ug gidayeg ang ilang track records ug background, apan wala gilitok sa Presidente ang pangalan ni Senador Imee Marcos nga wala makatambong sa campaign rally.
Ingon man nga gawas kang Imee aduna pa’y laing wala ang presensya sa maong panagtiapok apan, ahimo gihapon nga na-endorso sa Presidente.
Diin gikataho nga ang wala pag-endorso niini sa iyang igsuon kay nunot sa nahimong pahayag ni Imee nga dili usa siya moapil sa campaign rally sa pagkakaron tungod kay tutokan niya ang imbestigasyon sa Senado sa kontrobersyal nga pagkasikop ni kanhi Presidente Rodrigo Duterte nga gi-surrender sa administrasyong Marcos ngadto sa International Criminal Court (ICC) sa The Hague, Netherlands.
