CEBU CITY-Walay mahinumduman si Dr. Rene Josef Bullecer kinsang usa ka Human Life International Advocate ug Main Anchor sa Bombo Radyo Cebu Holy Rosary nga ngil-ad o bati nga kinai-ya ni Msgr. Esteban Binghay sa dihang buhi pa kini.
Kini human usab sa pagtaliwan sa Cebu Archdiocese Episcopal Vicar niadton Lunes sa hapon gumikan sa sakit sa kidney ug komplikasyon.
Paghulagway ni Bullecer kinsang usa sa mga kaila ni Binghay nga usa kini sa mga pari nga kanunay mu-inspire kaniya ug gidayeg siya sa iyang kawsa.
Dili matud pa malimtan ni Bullecer ang personalidad ni Binghay nga layo palang nakasmile na, friendly ug accommodating.
Sulod matud pa sa sobra 20 ka tuig nga kaila si Bullecer ug Binghay ug usa matud pa ang arsobispo sa mga talagsaong pari nga iya usab nga gipsalamatan, girespeto ug gidayeg.
Si Binghay ang sinaligan kaniadto ni Cardinal Ricardo Vidal.
‘Importansiya sa rekomendasyon sa doktor’
Samtang gipasabot usab ni Bullecer nga ang sakit nga gihambin ni Binghay una arthritis lang, apan wala matud pa kini nagiyahan sa dosage nga imnon sa tambal.
Hangtud nga wala nabantayi nga naapektaran na ang kidney sa arsobispo ug paghiling sa doktor niini, kinahanglan na diay nga mag dialysis.
Hayan, gipahimangno-an ni Bullecer sa publiko nga dili magpataka og inom og tambal basin nga makadaot ug maka-apektar sa kidney.
Kinahanglan nga sutaon usab ug tumanon gyud ang dosage nga irekomendar sa doktor.
