-- ADVERTISEMENT --
METRO MANILA-Gitaho sa Philippine Economic Zone Authority (PEZA) ang mas taas nga gidaghanon sa mga proyekto nga narehistro sa unang tunga sa tuig.
Gikan sa Enero hangtod Hunyo, ang PEZA nakarehistro og 120 ka mga proyekto, nga mas taas og 18 porsiyento sa 102 ka proyekto nga giaprobahan niini sa samang panahon niadtong 2023.
Matud ni PEZA Director General Tereso Panga nga ang pag-apruba sa mga proyekto kay timailhan sa lig-on nga pagsalig sa palibot sa negosyo sa Pilipinas ug potensyal sa ekonomiya.
Diin ang nag-unang lima ka langyaw nga tinubdan sa investment pledges mao ang Cayman Islands nga adunay P8.86 bilyon; gisundan sa Japan, P8.02 bilyon; Malaysia, P4.53 bilyon; Hong Kong, P1.62 bilyon; ug Singapore, adunay P1.27 bilyon.
