Nanawagan ug nakigkontak na karon ang Philippine Consulate sa Los Angeles sa California Sheriff Department aron mahibaw-an kung aduna bay mga Filipino o Filipino American nga apektado sa nagkakusog nga sunog sa Franklin, Malibu, Los Angeles, California.
Gipahinumdoman sa konsulado ang mga Filipino ug Fil-Ams nga duol sa sunog nga mosunod sa mga lagda ug mobakwit kung gikinahanglan.
Basi sa report, nga mikaylap ang sunog sa amihanan-kasadpang bahin sa Los Angeles County.
Naghulga kini nga makadaot ilabina sa mga residente lakip ang mga Pinoy nga nagpuyo sa maong dapit.
Moabot sa 13,000 ka mga residente ang kasamtangang gipailalom sa evacuation order.
Samtang kapin sa 12,000 ka ektarya ang naugdaw sa sunog ug 1,500 ka mga bombero ang mitabang sa pagpalong niini.
Hinungdan nga ang konsulado sa Pilipinas sa Los Angeles nanawagan sa mga apektadong Pilipino nga mokontak sa opisina niini o motawag sa 911 o sa Los Angeles County Fire Department Public Information Office alang niadtong nanginahanglan og hinanaling tabang.
