CEBU CITY- Miabag ang Philippine Red Cross sa paghatag og mga pasiunang tabang alang sa mga pamilya nga apektado sa nahitabong pagdahili sa usa ka landfill facility sa Barangay Binaliw 1, Dakbayan sa Sugbo, human sa nahitabo niadtong Enero 8.
Matud ni Atty. Maria De Jesus, ang Chapter Admin sa Philippine Red Cross, nga naka focus na ilang team sa Management of the Dead and Missing og paghatag og serbisyo sama sa pagpadala og First Aid Psychological Team alang sa mga kabanay sa mga nabiktima og nawala sa trahedya.
Sigon ni Atty. De Jesus, nga sagad sa ilang gihatagan og pagtagad sa unang adlaw sa operasyon mao ang paghatag og first-aid sa mga naangol, nawad-an og panimout.
Dugang niini, tumong og tuyo sa Management of the Dead and Missing mao ang pag-abag sa pag-identify sa mga naluwas, og nakit-ang lawas nga patay na sa nahitaboan.
Sa pikas bahin, subsob na usab ang pagpangandam og pagtubag sa mga emerhensiya alang sa mga partisipante pg deboto sa Sinulog 2026, diin naka-andam na usab ang 6 ka mga ambulansya gikan sa nagkalain-laing Chapter.
Nakadeploy na usab ang 200 ka mga volunteers og 3 ka mga rescue boat alang usab sa umaabot nga Fluvial Procession, samtang nakaandam usab ang pipila ka mga Emergency Medical Unit diin adunay mga nakastand-by nga skilled and professional medical Doctors and Personnel.
Mipahimangno usab si Atty. De Jesus, sa publiko nga makanunayong mag-amping hilabi na sa panahon sa pagselibrar sa Sinulog 2026.
