Phivolcs, nakakita og susamang kalihokan sa Kanlaon ug Mayon

Nakitaan sa Philippine Institute of Volcanology and Seismology (Phivolcs) og pipila ka pagkasusama tali sa duha ka aktibong bulkan nga ilang gimonitor: ang Mayon ug Kanlaon.

Diin kasamtangan sila karon nga anaa sa Alert Level 2.

Sumala ni Mayon Volcano resident volcanologist Dr. Paul Alanis, ang duha ka bulkan kay “nag-swollen,” usa ka timaan sa pagsaka sa magma gikan sa ilalom niini.

Dugang ni Alanis nga ang duha ka bulkan nagpatunghag panagsang linog sa bulkan nga nagpakita sa padayon nga kalihokan sa ilalom niini.

Bisan pa, ang mga kinaiya sa pagbuto sa duha managlahi, diin ang Kanlaon kanunay nga magbuga lamang og abo samtang ang Mayon kanunay ang pagbuto sa lava, sama sa nahitabo sa bag-ohay nga mga tuig.