Natapos na sa Guangzhou Shipyard International ang pagbuhat sa pinakadakong barko sa kalibutan alang sa pagdala og mga sakyanan sa kadagatan nga makahimo pagdala og nagkalain-laing klase sa sakyanan, apil na ang electric vehicles, hydrogen-powered vehicles, ug dagkong trak.
Gitawag kini og Pure Car and Truck Carrier (PCTC), ug ang bag-ong barko nga Glovis Leader gi-komisyon sa South Korean car manufacturer nga Hyundai Motor Company.
Nasayran nga mas sayo kini nga nahuman kaysa sa giplano pinaagi sa Guangzhou Shipyard International ubos sa China State Shipbuilding Corporation (CSSC), uban sa China Shipbuilding Trading Co. Ltd..
Ang bag-ong Glovis Leader adunay gitas-on nga 230 metros ug gilapdon nga 40 metros, uban sa design draft nga 10.5 metros ug cruising speed nga 19 knots.
Aduna kini 14 ka espesyal nga vehicle decks nga makakarga hangtod sa 10,800 ka sakyanan, nga naghimo niini nga pinakadakong Pure Car and Truck Carrier (PCTC) nga natukod hangtod sa karon.
