Nagpadayag og nagdilaab nga pasalamat si Pinoy Para swimmer Ernie Gawilan sa mga Pinoy sa ilang suporta sa Team Philippines alang sa 2024 Parlympics nga mahuman karong adlawa, Septiyembre 8.
Matod ni Gawilan, ang team nakadawat og hingpit nga suporta gikan sa mga sports fans ug mga opisyal sa nasud gikan pa sa ilang pagpangandam hangtod kini nahuman.
Si Gawilan maoy usa sa mga sakop sa delegasyon sa Pilipinas nga nakaabot sa Finals sa 400m freestyle nga paglangoy apan napakyas sa paglangkat sa medalya.
Nakuha niini ang ikaunom nga puwesto sa kalihokan human sa maayong pasundayag nga gipakita sa mga players sa Para.
Sa laing bahin, gitinguha sa Pinoy Paralympian nga motutok sa dugang training sa iyang pagbalik sa Pilipinas.
Hinuon matud pa nga wala pa siya masayod sa mga sunod nga kompetisyon nga iyang salmotan balik sa Pilipinas ilabi na ug magdepende matud pa kini sa mga sugyot sa iyang coach.
Ang Team Philippines nga nakigtigi sa Paris Para Games gilangkuban nila ni Allain Ganapin sa Taekwondo, Angel Mae Otom ug Ernie Gawilan sa swimming, track and field athletes Jerrold Mangliwan ug Cendy Asusano, ug archer Agustina Bantiloc.
