CENTRAL VISAYAS- Pipila ka klase sa pribado ug publikong tunghaan sa Sugbo ang gisuspenso tungod sa kusog nga hanging habagat ug uwan tungod sa wala damhang panahon.
Ubay-ubay nga mga lokal nga opisyal ang nagpagawas ug mga anunsyo pinaagi sa ilang mga social media account aron ipahibalo nga kanselado na ang mga klase karong adlawa.
Lakip sa gideklarar nga ‘walay klase sa tanang lebel sa pampubliko ug pribado nga mga tunghaan mao ang City Governments sa Mandaue City, Lapu-Lapu City, Talisay City, Negros Oriental, Minglanilla, Liloan, Cebu, Cordova City ug uban pa nga naapektuhan sa bagyo.
Paambit ni Acting Cebu City Mayor Raymond Garcia nga subay sa mando sa Disaster Office sa Dakbayan sa Sugbo, diin girekomendar siya nga suspensuhon ang klase sa dakbayan sa Sugbo tungod sa kusog nga ulan ug hangin.
Una niini, nipagawas og preliminary notice ang Philippine Coast Guard nga padayon nilang ipatuman ang Sea Advisory Travel and Notice to Mariners (NOTAM) sa mosunod nga hurisdiksyon sa Coast Guard Station (CGS).
Ang kadtong adunay NOTAM temporaryong suspension voyage sa marine vehicles ubos sa 250 “gross tonnage” sa CGS Negros Oriental, CGS Western Bohol, CGS Camotes Island, CGS Siquijor, ug CGS Eastern Bohol.
Sa laing bahin, adunay Sea Travel Advisory sa temporaryong pagsuspenso sa mga barko ubos sa 15 ka “gross tonnage” sa CGS Central Cebu, CGS Southern Cebu, ug CGS Northern Cebu.
