CEBU CITY — Gibutyag ni Cebu City Office for the Substance Abuse Prevention (COSAP) Head Jonah John Rodriguez nga anaa sa 31 ang nagpositibo sa iligal nga drugas sukad gipatuman ang drug test niadtong buwan sa Oktubre hantod ning kasamtangang buwan sa Nobyembre.
Mubo matod pa kini kung itandi niadtong nakalabay’ng tuig sa susamang mga buwan.
Gipasabot ni Rodriguez nga aduna na’y tulo ka panel ang testing kits diin gilakip na karon ang alang sa pagdetect sa magpositibo sa ecstacy.
Gani ning kasamtangan basi sa datos sa COSAP, anaa na’y tulo ang nasutang nagpositibo sa maong illegal substance sa mga trabahante ning dakbayan.
Hinu-on subjetc alang sa confirmatory test ang maong mga nagpositibo.
Gikumpirmar usab ni Rodriguez nga gibalik na ang rehabilitation sessions human nga nipagawas ug kamandu-an ang Department of Interior and Local Government (DILG) kabahin niini. (gbs)
