MANDAUE CITY-Ipa-deputize ang pipila ka sakop sa Traffic Enforcement Agency of Mandaue (TEAM) sa Land Transportation Office (LTO) aron dugang kaabag sa pagdumala sa balaod sa kadalanan.
Kini ang gibutyag ni Hyll Retuya, ang pangu sa TEAM diin sa pamulong pa niini nga adunay umaabot na nga deputization gikan sa mga local government units ang kuhaun ang LTO og lakip niini ang mga traffic enforcers sa ilang dakbayan.
Gibana-banang anaa sa 15 hangtod sa 20 ka mga TEAM traffic enforcers ang ipailawm og training ubos sa pagdumala sa LTO.
Agi kini og paghatag kahanas sa mga tigpatuman og balaod sa kadalanan nga nag require kanila ig capacity building seminars ug pagsabot sa nasudnong polisiya sa trapiko.
Sa higayong ma-deputized na kini, ang mga naasoy nga traffic enforcers kay tugutan na nga mu-isyu og Temporary Operator’s Permits nga nahisubay gihapo sa regulasyon nga gilatid sa buhatan sa LTO.
