CEBU CITY-Nagmalampuson ang plano na gihimo sa Cebu City Government alang sa Sinulog sa Sugbo Philippines 2024 na gipahigayon sa Cebu South Road Properties.
Mao kini ang gibutyag ni Cebu City Councilor Joy Pesquera, nga ang maong Sinulog Grand Parade usa ka dako kalampusan alang sa mga katawhan sa dakbayan sa Sugbo.
Mapasalamaton usab si Pesquera sa dakong suporta na gipakita sa tanan nga mga opisyales, kapulisan, volunteers ug sa tanan mga katawhan nga ni tambong alang sa pagsalmot sa Fiesta Señior 2024.
Matod pa ni Pesquera, ang tanan nga mga contingent mu perform lang kausa apan ang City Government kinahanglang nga kaduha musayaw.
Dugang niini, gibutyag usab ni Pesquera nga adunay misscommunication sa mga contingents tungod kay ila na kini nga gihisgutan sa niaging mga meetings ingun man mga briefings.
Samtang sa pikas bahin, gibutyag usab ni Raquel Arce ang pangu sa Cebu City Transportation Office nga sa wala pa ang alas 3 sa hapon, sirad-an na ang entrance sa kadalanan tungod ang mga motorista dili na ma pugngan og nakita usab nila nga mag pick-up kini ug mga pasahero tunga-tunga sa dalan.
