Andam ang Philippine National Police-Criminal Investigation and Detection Group (PNP-CIDG) nga ipatuman ang warrant of arrest batok kang Senador Rodante Marcoleta, kung mo-isyu ang Sandiganbayan niini.
Sumala sa PNP, aduna na silay mga protocol nga giandam alang sa posibleng pag-dakop sa senador.
Matud ni PNP Public Information Office Chief Col. Allen Rae Co nga kung si Marcoleta anaa sa sulod sa Senado sa pag-isyu sa warrant, ang mga awtoridad makig-alayon una sa liderato sa Senado sa dili pa kini ipatuman.
Kini subay sa pagsang-at sa Office of the Ombudsman og kasong plunder batok kang Marcoleta sa Sandiganbayan, ug giingong kapakyasan sa pagdeklarar sa P75 milyon nga kontribusyon sa kampanya sa iyang Statement of Campaign Expenditures atol sa 2025 senatorial elections.
Kung madakpan, si Marcoleta dad-on sa Camp Crame alang sa mga pamaagi sa pag-book sama sa fingerprinting, medical examination, ug pagkuha og mug shots.
