Gipasalig sa Philippine National Police (PNP) nga ang ilang mga lakang, lakip na ang pagdugang sa mga patrolya ug paggamit sa modernong teknolohiya, gihimo aron mapugngan ang posibleng pagtaas sa mga insidente sa pagpangawat taliwala sa padayon nga pagsaka sa presyo sa mga batakang palaliton.
Sumala ni PNP Chief Gen. Jose Melencio Nartatez Jr., bisan sa wala pa mahimong dakong isyu ang inflation, ang nasudnong pulisya nangandam na alang sa pinakagrabe nga mga senaryo aron mapadayon ang kalinaw sa mga komunidad.
Agig tubag sa mga kabalaka sa publiko nga ang krisis sa ekonomiya mahimong makaapekto sa mga rate sa krimen, gipalig-on sa PNP ang mga foot ug mobile patrol niini sa mga lugar nga giisip nga taas og risgo.
Naglakip kini sa mga pampublikong meerkado, transport terminals, ug mga commercial districts.
Gawas sa pisikal nga presensya, ang pulisya nagsalig usab sa teknolohiya aron mahimong mas epektibo ang ilang mga operasyon.
Sa pagkakaron, ang mga random checkpoint gipahimutang sa mga estratehikong lokasyon, samtang ang mga mobile patrol unit nagpadayon sa paglibot sa mga oras sa peak hours.
Ang pulisya nakig-alayon usab sa mga local government unit (LGU) ug mga lider sa barangay aron mas maayo nga mabantayan ug matubag sa ground level.
Gipasalig sa PNP sa publiko nga kontrolado na nila ang sitwasyon ug aktibo ang ilang mga preventive measures, apan nanawagan usab sila og panaghiusa gikan sa mga lungsuranon.
