-- ADVERTISEMENT --
Girekomendar ni kanhi Bayan Muna Party-list Representative Neri Colmenares sa paggamit sa Philippine Offshore Gaming Operators (POGO) hubs isip temporaryong evacuation centers.
Kini taliwala usab sa hulga sa Super Typhoon Pepito nga moigo sa Central ug Northern Luzon.
Matod sa kanhi magbabalaod, daghang pasilidad sa POGO sa mga lugar sama sa Bamban sa Tarlac, Porac sa Pampanga, Bataan, Bulacan, Cagayan ug Metro Manila ang mahimong gamiton nga evacuation centers nga adunay lapad ug maayo ang kagamitan.
Gihatagan usab og gibug-aton ni Colmenares nga daghan sa maong mga pasilidad ang adunay mga medical center ug adunay igong luna, busa angayan nga himuong emergency shelter samtang nagpaabot nga mapasar ang Permanent Evacuation Centers Bill.
