Gilauman nga hangupon sa mga taga Lebanon ang pagbisita ni Pope Leo XIV sa iyang unang pagtungtong sa Middle East. Ang Lebanon adunay pinakataas nga porsyento sa mga Kristiyano sa rehiyon, ug sama sa gitaho nga ang pagbiyahe makapukaw sa paglaum ug kabalaka.
Human sa pagbisita sa Turkey, si Pope Leo moabot sa Lebanon alang sa tulo ka adlaw nga pagbisita gikan sa Nobyembre 30 hangtod Disyembre 2, 2025.
Kini ang gipaambit ni Deney Astano, Bombo International Correspondent sa Lebananon nga gibana-bana nga anaa sa 150,000 ka mga Katoliko gikan sa mga kasikbit nga nasud sama sa Iraq, Jordan, ug uban pa ang mag-abot aron ipakita ang ilang paglaum sa Santo Papa.
Gidugang ni Astano, talagsaong higayon lang sa kinabuhi nga makita ang Santo Papa, ingon man nga sa tanang kinabuhi niini, wala pa siya makakita og Santo Papa, busa gahinan niya kini og oras hilabi na nga pito ka oras lang ang lakawon gikan sa iyang gipuy-an.
Subay niini, makigtagbo usab kini sa Presidente sa Lebanon, nga si Joseph Aoun, uban sa Speaker of Parliament nga si Nabih Berri ug Prime Minister Nawaf Salam sa Baabda.
Human niana, mobisita si Leo sa lubnganan ni Saint Charbel Makhlouf sa village sa Kfar Baal, sundan sa usa ka miting uban sa mga batan-on sa Maronite Church sa Bkerké.
Sa katapusang adlaw sa iyang pagbisita, ang Santo Papa magsaulog sa Misa sa Pantalan sa Beirut isip handumanan sa mga biktima sa 2020 Beirut explosion.
