Magpadayon ang prayer vigil ug freedom march sa kaulohan sa Amsterdam, Netherlands aron ipanawagan ang pagbasura o pag-dismiss sa kaso batok ni kanhi Presidente Rodrigo Duterte sa International Criminal Court (ICC).
Gikompirmar kini ni Atty. Harry Roque sa iyang live video broadcast, diin matod niya, nga magsugod ang mga aktibidad karong Septiyembre 19 sa may alas 5:00 sa hapon sa Amsterdam diin ipahigayon ang prayer vigil.
Sa Septiyembre 20, ipahigayon ang freedom march aron ipanawagan ang hingpit nga pagbasura sa kaso batok sa kanhi Presidente.
Samtang sa Septiyembre 21, usa ka panel discussion ug fellowship ang ipahigayon.
Ang nakalinya nga mga panagtapok gipasiugdahan sa DDS Maisug taliwala sa nag-ung-ong nga hearing sa kompirmasyon sa mga reklamo batok sa kanhi presidente human kini gi-postpone sa ICC nunot sa hangyo sa depensa tungod sa isyu sa panglawas sa 80 anyos nga kanhi Presidente.
