Gitawag ni Senador Raffy Tulfo ang video presentation ni Senador Imee Marcos kalabot sa giingong charter change nga pagsulay sa pagpalugway sa termino ni Presidente Ferdinand Marcos Jr. nga “Hao-shao”.
Gipasiugda ni Tulfo nga kung adunay ipagawas nga expose, kinahanglan kini ubanan og lig-on nga ebidensya ug dili lang hinimo-himo, pangagpas, ug opinyon lamang.
Samtang, gitawag usab ni Sen. Kiko Pangilinan nga peke nga balita ang pasangil sa Senadora nga adunay pagsulay sa pag-usab sa konstitusyon.
Sumala ni Pangilinan, atol sa iyang paglingkod isip tsirman sa Constitutional Amendments Committee, ang komite wala magpahigayon og hearing sa pagbag-o sa konstitusyon gikan sa Agosto 12, sa miaging tuig hangtod sa Mayo 11, karong tuiga.
Dugang niini, kini ang pruweba nga dili tinuod ang mga pasangil ni Marcos.
