-- ADVERTISEMENT --
Moabot sa nasud si German President Frank-Walter Steinmeier alang sa usa ka Official State Visit sa Hunyo 15 ug 16, 2026.
Diin personal nga dawaton ni Presidente Ferdinand R. Marcos Jr. ang lider sa Federal Republic of Germany sa Malacañang aron hisgutan ang pagpalig-on sa relasyon tali sa duha ka nasud.
Lakip sa gipaabot nga mga hilisgutan nga hatagan og pagtagad atol sa ilang meeting mao ang kooperasyon sa ekonomiya, pamatigayon, pamuhunan, pagbag-o sa klima, ug ang kaayohan sa mga trabahanteng Pilipino, labi na ang anaa sa sektor sa panglawas sa Germany.
Kini nga pagbisita nagtumong sa pagpalig-on pa sa diplomatikong relasyon tali sa Pilipinas ug Germany, human sa pagbisita ni Presidente Marcos sa Berlin niadtong 2024.
